Kommune Kujallermi silami sulisut aputaarukkaangat silami sumiiffinni assigiinngitsuni saliineq aqqutigissaanerlu ingerlattarpaat, ukioq mannalu aputaarutiaarnera peqqutaalluni silami ulapaarnerit ingerlanneqalereersut Avatangiisinut Ingerlatsiviup pisortaata oqaatigaa.
- Ukioq manna aperujussuareerluta sukkasuumik aputaarukkatta, siusinaartumillu upernajaarluta silami sulisut illoqarfinni tamani nunaqarfinnilumi saliinerit, aqqusernginillu saniinerit massakkut ulapputigileruttorpaat. Tamakkulu aqqusinermi angallannermi persaqqusersuutaasinnaammata angallattut ataqqinninnissaat kissaatiginarpoq, Avatangiisinut Ingerlatsivimmi pisortaq Sem Ottossen oqarpoq.
Illoqarfimmi saliinerit upernaap aasallu ingerlanerani takussaaginnarnissaat Avatangiisinut Ingerlatsivimmiit ilanngullugu oqaatigineqarpoq.