Qatserisartut aputip sisoorsinnaanerata aarlerinarneranik misissuineranni paasinarsivoq Hastrupvejip qulaani kujammut isuata nalaa aarlerinartoq, qeqqata tungaa suli aarlerinarpianngitsoq avannarlerlu aputikinnerusortaa aarlerinaateqanngitsoq.
-Aarlerinaateqartup nalaani innuttaasut mianersorartariaqarput. Aamma sumiiffiup ilaa aarlerinaateqanngitsutut nalilerneqaraluartoq innuttasut mianersornissaannik kaammattorusuppagut, silap allanngorarnerani aarlerinarsisinnaammat, Kommune Kujallermi upalungaarsimanermut pisortaq Asmus Hansen kaammattuivoq.
Silap allanngorarnera pillugu sumiiffik qatserisartunik alakkarterneqallattaarpoq.