Ullut makku Qaqortumi alianartunik pisoqarfioqaaq, aqqusaakkat sakkortupput, inuppassuit tupannartunik alianaqisunillu misigitinneqarpugut, taamaammat inuttaasugut immitsinnut tapersersoqatigiinnissarput pisariaqarpoq. Ilaquttavut, ikinngutivut allallu pisariaqartitsisut oqaloqatigisartigit qiimmasaqatigalugillu.
Tusatsiakkat atornagit, pisortat sulinerat ataqqillugu, naammagittalaarta. Ilaqutaasut pisunik malinnaatinneqartarput, taakkuuppummi eqqorneqartut.
Pisortanit sulisut tamaasa ilungersunartuni suliaqarnerini nukissaqarluarnissaannik kissaappakka.
Qanortorlu inuarneq paasineqapallakkili. Innuttaasut toqqissisimaleqqinnissaat piniassammat.
Tallimanngornermi februaarip qulingani nalunaaqutaq tallimanut nunaqqatigiit aaqqissuusaat, kikkulluuniit piumasut Qaqortumi illoqarfiup qeqqani naneruummik ikitsiartorsinnaallutillu tussiaqatigiinnermi peqataajartorsinnaapput. Aaqissuussat taamaattut nunaqqatigiittut nukittorsaatigisigit, qanortoq tamatta ulluni artorsarfitsinni nukissaqarisa.
Pisuni tamani ilaqutaasut ikinngutaasut nunaqqataasullu tamassi uummammik pisumik misigeqatigaassi.