Inuusuttut meeqqallu ornittagaanni Alummiuni sulisut klubrådillu aqqissugaannik meeqqanut inuusuttunullu anaalerivissiortitsineq arfininngornermi februaarip 18-anni ingerlanneqarpoq.
-Anaalerivissiortitsineq aallarnerlugu meeqqat nukarliit anaalerisinneqarput, kingorna meeqqanut nukalernut Alummiuniinneq nalunaaqutaq 20:45 matummat apersortittussaniit 21-nik ukiulinnut anaalerivissiortitsineq aallartippoq. Aaqqissuussaq peqataaffigineqaluarpoq, kunnginngortut dronninginngortut aammalu mitaallaqqinnerpaat angajullerni nukarlernilu pinnatsinneqarput, Panissaaq Poulsen Alummiuni aqutsisoq oqarpoq.
Anaalerivissiornissaq sioqqullugu piareersarnermi Nanortalimmi sponsorissarsiorneq aaqqissuisunit suliarineqarsimavoq, matumanilu suliffeqarfiit assigiinngitsut tunissuteqarnerisigut meeqqanit inuusuttuniillu nuannaarutigineqaqisunik tunissuteqarluarput.
-Illoqarfitsinni suliffeqarfiit meeqqanut aaqqissuussinernut taamaattunut tapeerusuttarnerat qujanartaqaaq, tapiissuteqartut mamakujuppassuarnik meeqqanut agguaassassatsinnik sassaalliutissatsinnillu nuannaarutigeqisatsinnik tunissuteqarujussuarput, taakkulu qutsavigingaarpagut, Panissaaq Poulsen qujamasulluni oqarpoq.
Anaalerivissiornermut suliffeqarfiit tapiissuteqartut tassaapput; Pilersuisoq Nanortalik, Brugseni Nanortalik, Arctic Prime Fisheries Nanortalik aamma Hotel Kap Farvel Nanortalik.