Aalisarnermut Piniarnermullu Naalakkersuisoqarfiup (APN) kissaatigaa Kujataani Tunumilu aalisartut aalisarnermut tunngasut ilanngussamiittut apeqqutit immersuiffissamiittut akissagaat akineqareerpata, akissutit pineqartut atorneqassapput suleqatigiissitaliani ineriartortitsisussat Tunumi aamma Kujataani. Immersuiffissaq immersorneqareerpat uunga nassiunneqassaaq APN@nanoq.gl imall. nassiunneqarsinnaavoq allakkatut uunga: APN P.O. Box 269, 3900 Nuuk Kalallit Nunaat.
Eqqaammallugu immersuisup mobilnormuni imalt. e-mailini ilanngutissammagu.
Ilanngullugu nassiussaq apeqqutinik imalik APN-miit neriuutigineqarpoq amerlasuut immersorumaaraat, atorfissaqartikkatsigu ilisimasat amerlanerusut suleqatigiissitaliami sulianut tunngavigisinnaasagut, ineriartortitsinnaaneq pitsaanerpaaq angorusullugu suleqatigiissitaliani.
Taamaattumik makitsissutigineqassapput akissarsiassat katillugit 6-t (arfinillit) apeqqutinik immersuiffissaq atorlugu immersuisimasunut, akissarsiassat 3 (pingasut) Kujataanut aamma Tunumut akissarsiassat 3 (pingasut).
Unammisitsineq ullumikkumiit aallartippoq 31. januar 2023-tungaanut, APN-milu immersuiffissamik nassiussisimasunut makitsisoqassaaq 1000DKK pisissutissaq Vonin-meersoq ajugaasumut. Taassuma kingorna aamma makitsissutigineqassapput nr.2 aamma nr. 3. akissarsiassaat.
Neriuuppugut unammisitsinermut sapinngisamik amerlanerpaat peqataajumaartut.
Unammisitsinermut peqataaniaruit uani immersugassaq aasinnaavat