Taamaalilluni kommunip allagarsisarfii ingerlaqqilerput. Taamaammat kommune allaffigineqarsinnaalerlunilu allagaqarsinnaalerpoq, kisianni Nanortalimmi kommunimilu nunaqarfinni tamani allagarsisarfiit suli aaqqinngillat.
Qaammamusiat takunnermusiallu pilersaarutit malillugit nakkartinneqassapput taakkununnga atortut ajutoornermut ilaanngimmata.
Akiligassat teknikkikkut ajornanngikkaangat ingerlaavartumik akilerneqartarput.
-Qarasaasiatigut ajutooqqanitsinni innuttaasut suliffeqarfiillu naammagittarnerat qujassutigaarput. Atortuvut ileqqumissut ingerlalersinniarlugit sulisuvut assorsuaq ilungersorsimapput sulilu sulillutik. Suut tamarmik aaqqinnissaasa tungaannut sivisulaarsinnaavoq, taamaammat tamarmik naammagittarmata qujanaqaaq, borgmester Stine Egede oqarpoq, nangillunilu.
-Pisoq eqiiallaataaqaaq – ajutooqqaarlutali ilikkagaqarnerput uggornarpoq. Qarasaasiaqarnermut pisortartaatta inissilluarnissaa qilanaaraarput atortuvut naleqquttumik qaffassarsinnaaniassagatsigit. Tamanna akikinnaviarunanngilaq, pisariaqavissaarli.