Kommunimi inatsisartunilu qinikkatut suleqataasimasoq Aqqalukasik Kanuthsen 69-inik ukioqarluni qimaguppoq.
Aqqalukasik kommunimi Qaqortup kommuniugallarmalli kommunalbestyrelsikkut suliniuteqaqataalluarsimavoq, politikkimi soqutiginninnera angutaaniit Hans Kanuthsenimiit ilaatigut aallaaveqarluni.
Qaqortumi Inuit Ataqatigiinni siulittaasuusimavoq, partiimi sulineq pissuserilluni kusanartumik qiimasumillu ingerlatseqataaffigisimallugu.
Kalaallit inuiattut kinaasuserput kingumut tigoqqinnissaa oqartussaaqataanerallu sorsoqataaffigai, inuiaqatigiittut ingerlariaqqinnissamut makisitseqataasuulluni. Kujataani kommunit akimorlugit suliniuteqartarpoq, kommunerujussuanngornissamullu pitsaanerpaamik innuttaasut sullikkumallugit suliniaqataasimalluni.
Savaateqarneq nunaateqarnerlu annertuumik suliaqarfigai, inerisaanerit ikigisassaanngitsut peqataaffigisarlugit. Uummateqarfigilluakkamini savaateqarfinni siunnersortitut sulinermini pitsaasumik siunertaqartumillu suliassaminik aallussisarpoq. Aqqalukasik sulilluarneranut, qiimmassaasarneranut asannittuuneranullu qujassutissaqarpugut.
Aqqalukasik nuliani, ernini pingasut, ernuttani, ernutaqqiutinilu qimappai.
Ilaqutaasut tamaasa misiginneqatigaakka, ullunilu makkunani nukissaqarnissaannik kissaallugit.
Aqqalukasik eqqaaneqarnera ataqqinartuuli.
Stine Egede, Kommune Kujallermi Borgmesteri