Kommune Kujalliup nittartagaa piffissami sivisuumi nutarterneqarsimanngitsoq, isikkumigut imarisamigullu nutarterneqareerluni apriilip aallaqqaataani saqqummersinneqarpoq.
Kommunalbestyrelsip polititikkikkut anguniagaraa Kommune Kujalliup nittartagaata tamanit atoruminartuunissaa. Nittartagaq piffissami sivisuumi nutarterneqarsimanani aaqqissuussaanikkut allannguineq apriilip aallaqqaataani atuutilernerani nutaanngorluni saqqummersinneqarpoq.
-Aaqqissuussaanerup nutaap atulernerani nittartakkap nutaap saqqummersinneqarnissaa siunniussimavarput. Nittartakkap atoruminarsarneqarluni saqqummernera nuannaarutigeqaara, politikkikkummi tamanna anguniagaraarput, borgmester Stine Egede oqarpoq.
Nittartakkami nutaanngortumi ilaatigut nutaarsiassaapput qalipaatit atorneqartut, nittartakkap ilusilersugaanera, immikkoortortaqarfinnut attaveqarfissat, aammalu kujataani savaatillit qupperneqartinneqalernerat.
-Nittartagaq nutaaq maanna saqqummerpoq, ineriartortitseqqinnissarlu tullertut alloriarfiussaaq. Ammasumik ingerlatsinitsinni nittartagarput atorlugu annerusumik paasissutissiisarnissaq siunertaraarput, soorlu piffissami aggersumi kommunip iluani aningaasartuutaasut ammasumik takuneqarsinnaanngornissaat pilersaarutaasoq,Stine Egede nassuiaavoq nangillunilu.
-Neriuppunga nittartagaq nutaaq saqqummertoq innuttaasunik aamma kommunitta avataaneersunik atorluarneqarumaartoq. Siunissamilu aggersumi inerisarneqartuarnermigut paasissutissiiffiulluartarumaartoq, Stine Egede oqarpoq.