Kommune Kujallermi atorfik nutaaq inuttassarsiuunneqartoq tassaavoq inuuniutigalugu paarsisartuuneq, taanna qitornarsianut angajoqqaarsianut inissinneqarsimasut pillugit perorsaanikkut tapersersuisuusaaq isumassuisuussallunilu.
Inuuniutigalugu paarsisartutut atorfinittussaq meeqqat ilaqutariinni annertuummik sumiginnagaasimasut inissinneqarneranni Kommune Kujallermi Isumaginnittoqarfimmi angajoqqaarsialerisut qanimut suleqatigissavai, qitornarsiat inuunerminni atugaat ulluinnarnilu inuunerisa aaqqissugaanerusumik ingerlasarnissaannut iliuuseqaqataassalluni.
- Kommune Kujallermi tamanna pisariaqartinneqarpoq, meeqqat angerlarsimaffiup avataanut inissinneqartartut kisitsitigut qaffakkaluttuinnarput, meeqqallu immikkut pisariaqartitsinerat takussaaneruleraluttuinnarluni, taamaattumik ulloq unnuarlu paaqqinnittarfimmut inissiisarneq annertusiartuinnarpoq, Isumaginnittoqarfimmi pisortaq Nielsine Petersen oqarpoq.
Kommune Kujallermi meeqqat angerlarsimaffiup avataanut inissinneqarsimasut ullumikkut 100 sinneqarput. Taamaakkaluartoq atorfimmik matuminnga nutaammik pilersitsinissaq pisariaqartinneqarluni.
- Kommune Kujallermi, ulloq unnuarlu paaqqinnittarfinni inissiisarneq annertusiartortillugu, pisariaqarpoq saniatigut inuuniutigalugu paarsisartunik atorfinitsinissarput, Kommune Kujallermi Isumaginninnermut Ingerlatsivimmi pisortaq Nielsine Petersen oqarpoq.
Atorfik inuttassarsiuussaq pillugu annertunerusumik uani paasisaqarsinnaavutit:
http://https//www.kujalleq.gl/ledige-stillinger/stillingsopslag/?sc_lang=kl-GL&VID=ops22-13