Tusagassiutinut nalunaarut
Pineqartoq: Kujataani angallassineq.
Kujataani angallannikkut kiffartuussineq piffissami sivitsulersumi kipiluttunartutut isigigatsigu, kiffartuussinermi isumaqatigiissutip ukioq manna atuutilersup nalilersorneqaqqinnissaa piumasaraarput.
Nalunngilarput kujataani, ingammik massakkut silap ukiarsalernerani unerisimanngittartoq, taamaalinerani immakkut angallanneq navianarluinnartunngortarpoq. Ajoraluartumik ukiuni kingullerni imaani tulluanngitsunik angallateqarlutikangalasut peqqutigalugitajunaartartut amerliartornerat nalunngilarput.
Taamaammat tamakku peqqutigalugit kiffartuussinermi isumaqatigiissut akuerineqarsinnaangilluinnarpoq.
Maani Kommune Kujallermi nunaqarfinnut kujasinnerusunut inuiaqatigiinnut kiffartuussissutinik angallassisoqanngilaq, taamaattumik angalaniarneq uninngalluinnarluni. Nanortalimmiit kujammut, Narsarmijinut Aappilattumullu Air Greenland aamma Disko Line angalasunik kiffartuussinngilaq.
Taamaammat isumaqarpugut kujataani kiffartuussineq oqartussaniit qisuariarfigineqartariaqartoq, piaartumillu aaqqiiffigineqaqqullugu.
Ilumut ilumoornerpa tamanna?
Nammineerluta angalanissamut inniminniilluta misilikkaluarparput, iluatsinngilarli.
Inussiarnersumik
Sofia Olesen & Henning Jensen
Kommune Kujallermi Kommunalbestyrelsimi ilaasortat
Inuit Ataqatigiit
Pineqartoq: Kujataani angallassineq
Udgivet d. 26. oktober 2021