Maanna ilisimalerparput Qaqortup illoqarfiani inuit pingasut coronamik tunillatsissimasut, tunillatsissimasut pillugit pisortat suliassatik suliaraat.
Innuttaasut mianersornissamik eqqumaffiginninnissaannik kaammattorusuppakka, arlaatigullu malunniutinik peqaraanni angerlarsimaannarnissaq piaartumillu peqqinnissaqarfimmut saaffiginninnittoqarnissaa aamma eqqaamaqqullugu.
Mianersunnginnerup kingunerisinnaasai nammineq misigereernikuusagut maanna sumiiffinni allani atorneqarput, taamaattumik innuttaasut qamannga kissaateqarfigaassi tuniluunneq pinngitsoortikkumallugu ikioqatigeeqqitta.
Angajoqqaat meeqqaminnut ilitsersuusillutillu oqaaqqissaarinissaat maanna aamma piffissaavoq, tamatta immitsinnut paaraluta akisussaaffimmik tigusinissarput pingaaruteqarluinnarmat.
Inussiarnersumik inuulluaqqusillunga,
Stine Egede, borgmesteri
Borgmester Stine Egedep covid-19 pillugu killiffimmik nalunaarutaa:
Udgivet d. 12. august 2021