Assimi takuneqarsinnaapput saamerlermiit: Silami sulisut Ulrik Cortzen, MortenPoulsen, Aron Benjaminsen, Kommune Kujallermi ingerlatsinermi pisortaq SemOttosen aammalu nunaqarfimmi ikiortaaneq Annassi Kleist - Karolussen
Kommune Kujallermi silami sulisut tamarmik assigiinnik Kommunip ilisarnaataanik ilisarnaasilersukkat nunaqarfinnut agguaatillattaarneqaleruttorput. Nutaanik atisartaartut ilagaat Alluitsup Paani silami sulisut ilaat Morten Poulsen.
Taanna siorna apriilip aallartinnerani 2020 sulilersimavoq, maannakkullu silami sulisuuneq ulapinnarnerarpaa.
-Anartarfilerineq eqqaavilerineq kommunip tigunikuugamigit, tamanna ulapinnerulernermik kinguneqarpoq, ulapinnerli sungiusimagakku nuannaraara, Morten Poulsen taama oqarpoq.
Eqqaavilerineq, ikuallaaneq, anartarfilerineq, silami aqqusernermi siorarterineq aammalu utoqqarnut pitsorluttunullu imermik pajuttarneq, orsussussamik pajuttarneq aqqusinermilu matup tungaanut nivanneq ilaatigut nunaqarfinni silami sulilsut suliassarisarpaat.
Nunaqarfinni angalanermi atisanik nutaanik pajuttuinerup saniatigut misissuineq ingerlanneqarpoq.
-Nunaqarfinni ikuallaaviit atorunnaarnissaat sulissutaavoq, ESANI suleqatigalugu, taamaalillutik eqqakkanik poortuivinngortussanngorumaarlutik.Anartarfinnik eqqaaviup aserfallassimaqisup taarserneqarnissaanut suliniut inaarsarneqarpoq. Nunaqarfiit allat taamaaliorfiginissaat takorluugaavoq suliniutigineqassallunilu, Sem Ottosen Kommune Kujallermi ingerlatsinermut pisortaq taama nassuiaavoq.