Erseqqissumik oqaatigalugu ima isumaqarpoq, atuartut ataasinngorpat marsip 23-anni nalinginnaasumik atuariartortarnermissut atuariartussanngillat. Taamaakkaluartoq nammineq atorfik pissutigalugu suliartortariaqarneq pisariaqassappat, meeraq atuariartortinneqartuaannarsinnaavoq. Soorunami atuarfinni tamani katersuutsitsisarnerit pillugit pisariaqartunik iliuuseqartoqartassaaq.
Angajaoqqaat kikkut suliartortariaqarnersut nalilersorneqarnissaannut atatillugu, angajoqqaat namminneq sulisitsisutik suleqatigalugit nalilersussavaat. Tamanna ima isumaqarpoq, atuarfiit ammatinneqassapput, meeqqanut, angajoqqaavi inuiaqatigiinni pingaaruteqartumik atorfeqarnerat pissutigalugu suliasariaqartunut, allamillu paarsisussaqartitsinngutsunut.
Nuna tamakkerlugu ilinniartitsisut suli suliassarivaat atuarfinnut suliartussallutik. Matumani alimasissumit atuartitsinissaminnut pisariaqartunik aaqqissuussissapput, aammalu meeqqat, angajoqqaavi sulisariaqarpata paarsisussaatitaassallutik.
Meeqqat ilikkagaqarnissaat, ilinniartitsisut sulinissaat imaluunniit inuiaqatigiit ataatsimut eqqarsaatigalugit unittoortoqannginnissaa Kommuninut pingaaruteqarpoq erseqqissassallugu. Tamatta ataasimoorluta nualluutip kingunerisaanik suliassanik nutaanik suleqatigiissuteqartariaqarpugut. Matumani immikkorluinnaq pisoqarnerani ilinniartitsisut akisussaasut angajoqqaallu suleqatigiinnissaat kommunit tatigivaat, taamaalilluta inuiaqatigiinni uninnata ingerlaannarniassagatta.