Kommune Kujalleq Juli 2023
Teknikkimut Avatangiisinullu Ingerlatsivik
Postboks 514
3920 Qaqortoq
Oqarasuaat.: +299 70 41 00
E-mail: teknik@kujalleq.gl
SULIARIUMANNITTUSSARSIUUSSINEQ
Una pillugu: Qaqortumi eqqagassalerineq anartarfilerinerlu
1. Neqeroortoq
Kommune Kujalleq, Postboks 514, 3920 Qaqortoq, matumuuna suliassanik siulianik taaneqartunik tamanut ammasumik suliariumannittussarsiorpoq.
2. Suliassaq
Suliassat ataatsimut isigalugit tassaapput:
• Eqqagassanik aallerneq, assartuineq eqqaanerlu
• Eqqakkanut containerinik aallerneq eqqaanerlu
• Anartarfinnik aallerneq, assartuineq kueraanerlu
• Anartarfiit tankiinik imaarsineq, imaanik angallassineq kueraanerlu
Suliassaq 01-11-2023 aallarnerneqassaaq 31-12-2027-llu tungaanut ingerlanneqassalluni.
3. Suliariumannittussarsiuussinermut atortussat
Neqeroorutitsinermi paasissutissat tamarmiusut makkuninnga imaqarput:
1. Neqerooqqusissut manna ullulerneqartoq juli 2023
2. Immikkut piumasaqaatit (SB) aamma Immikkut suliassamik nassuiaat (SA) 07-07-2023-meersoq
3. Neqeroorfissat allassimaffiat agguakkanut allassimaffittalik 07-07-2023-meersoq
4. Naqqiutaajunnartut piffissap suliariumannittussarsiuussinerup nalaani nassiunneqartut
4. Nalorninermi attavissaq
Nalorninermi apeqquteqaatit allakkatigut uunga nassiunneqassapput, Kommune Kujalleq, Teknikkimut Avatangiisinullu Ingerlatsivik, postboks 514, 3920 Qaqortoq, att: Lasse Damsgaard Sørensen (e-mail: teknik@kujalleq.gl) kingusinnerpaamik pingasunngornermi ull. 21-08-2023 nal. 12.00.
Tamatuma kingorna neqerooruteqartunut tamanut imaqarniliamik nassiussisoqarsinnaavoq.
5. Neqeroorfissat allassimaffiat
Neqeroorfissat allassimaffiat Kommune Kujallermit tunniunneqartoq atorlugu neqeroorutit tunniunneqassapput. Neqeroorutit allattaaq neqeroorfissat allassimaffiat Kommune Kujallermit tunniunneqartoq tunngavigalugu neqeroorutigineqassapput.
Neqeroorut atorsinnaassappat neqeroorutissat allassimaffianni immersugassat tamarmik immersorneqarsimassapput.
6. Uppernarsaalluni neriorsuuteqarlunilu nalunaarut
Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaat nr. 3, 2. maj 1996-imeersumi § 7 naapertorlugu , entrepenøri neqerooruteqartutut uppernarsaasussaavoq qanoq amerlatigisunik pisortanut akilerneqanngitsunik akiitsoqarnini pillugu.
Uppernarsaalluni atsiorfissaq neqerooruteqarfissat allassimaffiannut ilanngussaavoq.
Uppernarsaat atsiorneqartoq aatsaat oqartussaniit akuerineqareerpat neqeroorut akuerineqassaaq.
7. Neqeroorutit allat
Suliassap allatut naammassineqarnissaanik neqeroorutit, pissutsimikkut suliuarimannittussarsiorneqartunit allaassuteqanngitsut, tiguneqarsinnaapput neqerooruteqartitsinermi matumani tunngaviit naapertorlugit aamma neqerooruteqartoqarpat. Aningaasartuutit tamarmik aammattaaq suliap allatut isumagineqarnissaanut ilanngunneqareersimassapput.
Suliap allatut naammassineqarnissaanik neqeroorutaajunnartut ima sukumiitigissapput taassuma imarisai suliariumannittussarsiornermi maleqqusat naapertorlugit Kommune Kujallermi naliliivigineqarsinnaassallutik.
8. Entreprenørip neqeroorutai
Suliassanut ataasiiannarmut neqeroortoqarsinnaavoq imaluunniit marlutillugit neqeroortoqarsinnaavoq. Suliassat arlallit neqerooruteqarfigineqarpata neqeroorutit tamarmik immikkut imminni pituttuisuussapput.
Arlallit peqatigiillutik neqerooruteqarpata neqeroorummi takuneqarsinnaassaaq kina arlaat isumaqatiginninniarnissamut akiliutinillu tigusinissamut piginnaatinneqarnersoq.
9. Suliarinnittussanik aalajangiineq
Suliarinnittussamik aalajangiineq pissaaq:
Ataasinngorneq ull. 28-08-2023 nal. 14.00.
Kommune Kujallermi Teknikkimut Avatangiisinullu Ingerlatsivik, Majavej B-1196, 3920 Qaqortoq, tassanilu neqerooruteqarsimasut peqataarusuttut najuuttoralugit neqeroorutit ammarneqassapput.
Neqeroorutit tunniunneqassapput uunga: Lasse Damsgaard Sørensen– Kommune Kujalleq assigiit marlunngorlugit allakkat puussaanut matoqqasunut poorlugit, ima nalunaaqqutserlugit:
"Qaqortumi eqqagassalerineq anartarfilerinerlu"
10. Neqeroorummik aalajangiussineq
Sanaartornermik suliallip neqeroorutini ullormi 25-09-2023-miit qaammatit marluk ingerlanerini atuutsissavaa. Neqeroorutip qaammatini marlunni atuutsinneqarnissaanik piumasaqaat Teknikkimut Avatangiisinullu Ataatsimiititaliap Kommunalbestyrelsillu neqeroorutinik tiguneqartunik oqaluuserinneqqaarnissaannik tunngaveqarpoq.
11. Toqqaaneq
Suliamik tunniussinermi akikinnerpaamik neqerooruteqarneq najoqqutarineqassaaq, tamatumanilu ilisimaqquneqassaaq suut allannguuteqaratarsinnaasutut mianereqquneqartut neqeroorutit aningaasartai sanilliussinikkut nalilersorneqassammata.
Entrepenørip suliamik naammaginartumik tassa naleqquttumik piffissaq akilu eqqortoq atorlugu pitsaasumik naammassinninnissaa ilimananngippallaarujussuarpat Kommune Kujalleq neqeroorummik ataatsimik arlalinnilluunniit itigartitsissalluni imminut pisinnaatippoq.
Ilisimaqquneqassaaq suliassat naammassineqarnissaannut suliap aningaasartaanik Kommune Kujalliup akuersinissaa apeqqutaassammat.
Inussiarnersumik inuulluarit
Lasse Damsgaard Sørensen
Avatangiisinut ingeniøri
Teknikkimut Avatangiisinullu ingerlatsivik
Suliassami immikkut nassuiaat uani atuaruk: PDF
Uppernarsaalluni eriorsuuteqarlunilu nalunaarusiaq uani atuaruk: PDF
Neqeroorutit allattorsimaffiat uani atuaruk: PDF