Kommune Kujalliup 2017-imiit 2028-mut kommunimut pilersaarutaani kommunimut pilersaarutitut ilassutip nr. 16-ip tamanut saqqummiunneqarnera.

terlaap avannaani illuaraqarfissaq pillugu komminut pilersaarutitut ilassut nr. 16 kommunalbestyrelsip ataatsimiinerani 2023-mi juunip ulluisa arfernanni akuerineqarpoq. 2023-mi juulip sisamaanniit aggustip 29-at tikillugu pilersaarummut siunnersuut tamanut tusarniaassutigineqassaaq. Kommunimut pilersaarutitut ilassummut matumunnga nunaminertanik nutaanik illoqarfimmullu qanittumik illuaraqarfissamik kiisalu sukisaarsaarfissiamik atugassiissoqarpoq. Mittarfissamut aqquserngup nunaminertanik tikinneqarsinnaanngortitsinerata kingorna Qaqortup avannaani sumiiffiit sukisaarsaarnermut tunngasunik assigiinngitsunut Kommune Kujallermi innuttaasunit soqutigineqalersimavoq. Tamatuma peqataanik tamaani illoqarfimmut mittarfimmullu qanittumi nunaminertanik takornarialerisut amerlanerusut neqeroorfigineqarsinnaassasut kommunip kissaatigaa. Sumiiffinni sukisaarsaarfissani innuttaasut soqutigisaannik naammassinninniarluni neqeroorutinik ineriartortitsinissaat kommunalbestyrelsip kissaatigaa. Kommunimut pilersaarutip ilassutaa manna innuttaasut illuaraliornissaannut, takornariartitsisullu mittarfimmut qanittumi takornarianut unnuiffissanik misigisaqartitsivinnillu pilersitsinissaannut periarfissanik imaqarpoq.