Pisortat aqqusiniutaat eqqarsaatigalugit aputaajarlugillu siorarternissaat isumagissallugit kommunip pisussaaffigivai. Pisortat aqqusiniutaat tassaasinnaapput aqquserngit, aqqusineeqqat pisortallu majuartarfiutaat.


Innuttaasutut illit kommunimi ingerlatsivik aputaajaanermut siorarterinermullu akisussaasumut naammagittaalliuuteqarsinnaavutit. Naammagittaalliuuteqarsinnaavutit assersuutigalugu soorlu naammaginartumik aputaajaasoqarsimanngippat siorarterisoqarsimananiluunniit, imaluunniit aputaajarnermi siorarterinermiluunniit illut, majuartarfitit qaqisarialluunniit ajoquserneqarsimappata.


Oqaasiinnakkut allakkatigulluunniit naammagittaalliuuteqarsinnaavutit. Allakkatigut naammagittaalliuuteqarniaruit, kommuninni immersugassaq immer­sorsinnaavat imaluunniit nammineq naammagittaalliuuteqarlutit allagaqarlutit. Illit kommuninni teknikkimut immikkoortortaqarfimmut naammagittaalliuutit nassiutissavat tunniulluguluunniit.


Naammagittaalliuutit suliarineqareerniariarpat akissuteqarfigineqarnissat piumasarisinnaavat.

• Siorarterineq Aputaajaanerlu – Nalinginnaasumik paasissutissiineq