Avatangiisinik innarlitsaaliuineq pillugu Inatsisartut inatsisaat nr. 9, 22. November 2011-meersoq naapertorlugu kommuunip pigisat pigineqanngissinnaasut qulaani allaqqasut peersinnaavai, taakku qaammatini pingasuni piginnittussarsiutereernerini.

Biili, angallat imaluunniit container-i avatangiissimut angallannermut, imaluunniit illoqarfimmut kusanaalliortitsisutut nalilerneqarpat, taanna pigineqanngissinnaassutut takusassiissutigineqassaaq nunaminertamullu kommuunimit innersuukkamut nuunneqarluni.

Takusassiissutigineqarnera aallartissaaq assimi ullugitinneqartumiit, naassallunilu qaammatit pingasut qaanngiunneragut. Takussutissiineq pissaaq pigisat assitalerlugit allaasserisitalerlugillu takussutissiinermut mappe-ni Qaqortumi, Narsami imaluunniit Nanortalimmi Teknik-kimut Avatangiisinullu Allaffiini, imaluunniit kommuunip quppersagaani. Kikkulluunniit iserlutit mappe takusinnaavaat, pigisallu ilisarigaani piginnittutut allatsittoqarsinnaalluni.

Mappe qimerloorneqarsinnaavoq ulluni piffissanilu ukunani: ataasinngorneq, marlunngorneq, sisamanngorneq tallimanngornerlu, kommuunip naliginnaassumik ammaffiini.

Takussutissiineq qaammatini pingasuni pereerpat pigisat takussutissiissutigineqarsimasut piissavaat, suujunnaarsissavaat imaluunniit akigisinnaallugit, piginnittumut taarsiinnitaqanngitsumik.

Pigisanut takussutissiissutigineqartumut piginnittuuguit taassuma nalaagut piginnittutut allassinnaavutit nammineerlutit saaffiginnillutit imaluunniit allakkatigut uunnga nassitsillutit: