Illoqarfiup bussia pillugu paasissutissat
Sumi qaqugulu bussi ingerlasarpa?
Qaqortumi ulluinnarni ingerlasartunik busseqarpoq Una toorlugu ingerlasarfissat takukkit.
Bilitsit klippekortillu sumi pisiarisinnaavakka?
Bilitsit klippekortillu bussimi aningaasanngorlugu akiliuteqarnikkut pisiarineqarsinnaapput. Akigitinneqartut atuuttut allattorsimaffianni bussernermi akit takuneqarsinnaapput.
Bilitsi ataaseq imaluunniit klippekortimi naqitsineq ataaseq nalunaaquttap akunneranut ataatsimut atuuppoq, bussimilu pisinermi piffissap atuukkunnaarfissaa naqinneqartarluni.
Inersimasut aamma soraarnerit akiliinatik meeqqat marluk (12-it ataallugit ukiullit) ilaatissinnaavaat. Meeqqat akiliuteqarlutik ilaasut meeraq ataaseq (12-it ataallugit ukiulik) ilaatissinnaavaat. Meeqqat ilaasut allat (12-it ataallugit ukiullit) meeqqat bilitsiinik pisissapput.
Akit pingasunut immikkoortinneqarput:
- Meeqqat (0-imiit 15-inut ukiullit)
- Inersimasut (16-iniit 64-inut ukiullit)
- Pensionisiallit: (65+) aamma siusinaartumik pensionisiallit
Bussimi nerisassanik imigassanillu nassarsinnaavunga?
Bussini tamani imigassanik aalakoornartulinnik imerneq inerteqqutaavoq.
Ass. popcornit, sikut sukkulaatillu mingutsitseriataarsinnaanerat peqqutigalugu nerineq imernerlu inerteqqutaavoq. Imigassat similinnik imigassaasivimmiitinneqassapput.
Meeqqat qamutaat imaluunnit sikkili nassarsinnaavara?
Meeqqat qamutaat annerpaamik ataaseq bussimiissinnaatitaavoq. Ilaasussaq bussimut ikeqqaartoq salliusinnaatitaavoq. Meeqqat qamutaat nassarsinnaanerit aquttup tamatigut nalilersortussaavaa.
Sikkilit bussimi nassarneqarsinnaanngillat.
Uumasut bussimi nassarneqarsinnaappat?
Inuit uumasunik sapigaqartut eqqarsaatigalugit bussimi nassarneqaqqusaanngillat.
Bussi attartorneqarsinnaava?
Illoqarfiup bussiata ingerlaartinneqannginnerata nalaani attartorneqarsinnaavoq. Aaneqarnerani orserfia ulikkaaqqasoq akinut tamakkiissunut ilaavoq. Illoqarfiup bussia utertinneqarpat orserfia ulikkaaqqasoq immiinermilu uppernarsaat ilanngullugu utertinneqassaaq. Bussip orserfia ulikkaarneqarnani utertinneqarpat orsussap qaavatigut nakkutilliinermi akiliut 50 koruuniusoq akilerneqassaaq.
Illoqarfiup bussiinik inniminniiniarnermi attartornissamut ullugititaq ullunik pingasunik sioqqullugu pissaaq, inniminniiffissaq uunga attaveqarnikkut pissaaq:
Kommune Kujalleq, Silami suliassalerivik
Jaaraatoq B-849, Qaqortoq
Oqarasuaat 64 22 98
Illoqarfiup bussiata attartorneqarnerani akinut tunngatillugu paasissutissat akigitinneqartut atuuttut allattorsimaffianni takuneqarsinnaapput.