Pingaartumik igalaaminernik aamma qillertuusanik poortuutinut tunngasoq
Igalaaminernik aamma qillertuusanik poortuutit suuppat?
Igalaamerngit igitassat tassaapput puiaasat puukullu igalaamerngit (asiunaveersakkat paarnat simersiat il.il.) igalaaminernik puut allat aammalu puukut aseqqukut.
Qillertuusat tassaapput qillertuusat imaqanngitsut utertittagaanngitsut kiisalu asiunaveersaakkanut qillertuusat saviminiusut.
Aaqqissuussinermut ilaanngillat igalaamerngit akuutissanik, nakorsaatinik ikuallajasunillu sinnikullit. Taakku eqqagassatut navianartutut tunniunneqassapput.
Puiaasat utertittakkat niuertarfinnut utertinneqartassapput.
Igitsisarneq
Kommunip illoqarfiini nunaqarfiinilu tamani containerit igalaaminernut qillertuusanullu atugassiat inissinneqarsimapput. Illit iliuusissatuat tassaavoq igalaamernit qillertuusallu salitat containerinut eqqortunut ikiorarnissaat, taava kommunimiit eqqakkat aaneqarumaarput.
Poortuutit qillertuusat saviminikunut allanut ilannguteriarlugit atoqqitassanngorlugit umiarsakkut nassiunneqarumaarput, kisianni poortuutinut igalaaminernut tunngatillugu aallaqqaammut illoqarfmmi nunaqarfimmilu najukkami matoorneqassapput. Matumani igalaamernit puiaasallu atorunnaakkat eqqakkanut matuugassanut matoorutissatut atorneqarumaarput.
Arlaannik immikkut eqqumaffigisassaqarpit?
Puukut igalaamernit qillertuusallu containerinut eqqagasaasivinnut inissinneqarsimasunut igitatit kommunimi ingerlatsinermut sulisunit assammik immikkoortiterneqassapput. Taamaammat eqqiluisaarneq peqqutigalugu eqqakkat sinnikunik mingutserneqasimassanngillat. Imeq erruivigisimasat atoruk imaluunniit errortulerninni avaleraasartuunut/makrelinut qillertuusaq erruivimmiitillugu - taamaalillutit saniatigut imermik atuissanngilatit.
Akiliutit
Kommune Kujalleq kommunip illoqarfiini nunaqarfiinilu puukunut igalaaminiusunut qillertuusanullu tunngatillugu nalimmassaasimavoq. Tamanna ima isumaqarpoq aaqqissuussinerup ingerlanneqarneranut aningaasartuutit matussuserniarlugit namminerisamik illut tamarmik qaammatit pingasukkaarlugit/kvartalimut akiligassinneqartassasut.
Eqqagassalerinermut akit kommunimi akigititat nalunaarsuiffianniipput. Kommunip sullissinerinut akiliutit qaqugukkulluunniit atuuttut kommunip nittartagaanit uani aaneqarsinnaapput imaluunniit Teknikkeqarfimmut Sullissivimmulluunniit saaffiginninnikkut pissarsiarineqarsinnaallutik.
Assersuutigalugu eqqagassalerinermut ilaasutut nalunaarsimasunut qaammatit pingasukkaarlugit akiligassiisoqartarpoq.