Inatsisartunut aamma kommunalbestyrelsimut qinersisitsisoqarnerani ilaasortat agguataarnerat
Inatsisartunut aamma kommunimut qinersinermi ilaasortaaffiit agguataarnerat D´Hond-tip periusaa malillugu ingerlanneqassaaq. Periutsimi tassani qinigassanngortittut ataasiakkaat taagorneqarneri 1-imik, 2-mik, 3-mik ilaasortanngortut tamakkernissaat tikillugu agguartinneqartarput. Taamaalilluni inernerit arlallit pigineqalersarput, ilaasortaaffinnik agguataarinermut aalajangiisuusut. Amerlanerpaanik taagorneqarsimasoq partii, kattusseqatigiit imaluunniit kisimiilluni qinigassanngortittoq siulliulluni ilaasortanngussaaq. Taagorneqarnerpaamut tulliulluni taagorneqartoq tulliulluni ilaasortanngussalluni. Ilaasortaaffiit tamakkerlutik agguaanneqarnissaasa tungaannut taama agguataarineq ingerlanneqartassaaq. Ilaasortaaffinnit pissarsiarineqartunit partii ikinnerusunik qinigassanngortitsisimappat, ilaasortaaffiit sinneri agguataarinermut tunngaviusut taamaaqataat malillugit partiinut sinneruttunut agguataarneqassapput.
Assersuut
Partiit pingasut akornanni qinigaaffiit 11-it agguataarneqassapput. Partiit taasisuisa amerlassusaat ataani takuneqasinnaapput.
|
|
Partii A |
Partii B |
Partii C |
|
Taasisut katillutik amerlassusiat |
597 |
1.488 |
1.195 |
Partiit taakku pingasut taagorneqarnerisa amerlassusiat maanna 1-imik, 2-mik, 3-mik agguartinneqassapput, tamatumalu kingorna inernerusup annertussusia malillugu ilaasortaaffiit 11-it agguataarneqassallutik (ungaluutit normulersukkat atorlugit takussuserneqarput).
|
|
Partii A |
Partii B |
Partii C |
|
Avitsissut 1 |
597 (5) |
1.488 (1) |
1.195 (2) |
|
Avitsissut 2 |
298,5 (10) |
744 (3) |
597,5 (4) |
|
Avitsissut 3 |
199 |
496 (6) |
398,3 (7) |
|
Avitsissut 4 |
149,25 |
372 (8) |
298,75 (9) |
|
Avitsissut 5 |
119,4 |
297,6 (11) |
239 |
Partii A ilaasortaaffinnik 2-nnik pissaaq, Partii B ilaasortaaffinnik 5-nik pissaaq aamma Partii C ilaasortaaffinnik 4-nik pissaaq.
Matuma kingorna partiini ataasiakkaani namminerni ilaasortaaffiit agguataarneqassapput, taamaalilluni qinigassanngortittut inuttut amerlanerpaanik taagorneqarsimasut ilaasortaaffimmik siulliullutik pissarsisinneqassallutik.
Matuma kingorna partiini ataasiakkaani namminerni ilaasortaaffiit agguataarneqassapput, taamaalilluni qinigassanngortittut inuttut amerlanerpaanik taagorneqarsimasut ilaasortaaffimmik siulliullutik pissarsisinneqassallutik.
Aamma atuarsinnaasatit
Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl
Isumaginninnermut, Ilaqutariinnut, Sulisoqarnermut Nunamullu Namminermut Naalakkersuisoqarfik
Imaneq 1A, 701
Postboks 970
3900 Nuuk
Oqarasuaat: (+299) 345000
E-mail: ISN@nanoq.gl