Paasissutissat naliginnaasut
Aappallu averuserumallusi kissaatigigussiuk imaluunniit isumaqarussi inooqatigiinnersi attassinnaajunnaarlusiuk averusernissamut piginnaatitaavusi.
Averuserussi aapparinnermi imaluunniit nalunaarsukkamik inooqatigiinnermi inatsisitigut kingunerisassat amerlanersaat atorunnaassapput. Soorlu marluullusi pigisassinnut tunngasut, kingornussiveqatigiittussaanermut aammalu ilumoorfigeqatigiittussaanermut tunngasut.
Piumasaqaatit
Kalaallit Nunaanni Naalagaaffiup Sinniisaata akuersineratigut averusersinnaavusi:
- marluullusi kissaatigigussiuk averuserumallusi, averusernermilu atugassaatitat isumaqatigiissutigigussigik.
Eqqartuussivik saaffigissavarsi:
- arlarsi kisimi averuserumappat imaluunniit
- atugassaatitat isumaqatigiissutigisinnaanngikkussigik
Malugiuk
Ataatsikkut averuserniarsinnaannginnassi eqqartuussutikkut aamma Kalaallit Nunaanni Naalagaaffiup Sinniisata akuersineratigut.
Akigititat
Nalinginnaasumik akigititaqanngilaq.
Qinnuteqarneq
Naalagaaffiup Sinniisoqarfiani averuserumallusi qinnuteqassagussi qinnuteqaatissiaq immersussavasi.
Una toorlugu ”Averusernissamut/avinnissamut qinnuteqaatissiaq” aajuk
Aamma Kalaallit Nunaanni Naalagaaffiup Sinniisaanut imaluunniit Nuummi najugaqanngikkuit politiinut aallersinnaavutit.
Qinnuteqaatit Kalaallit Nunaanni Naalagaaffiup Sinniisaanut nassiutissavat.
Nuummi najugaqanngikkuit Kalaallit Nunaanni Naalagaaffiup Sinniisaanut politeeqarfimmulluunniit tunniukkiartorsinnaavat.
Suliamut ingerlatseriaaseq
Atugassaatitat isumaqatigiinniutiginerat
Qinnuteqaatissiaq politiinut imaluunniit Kalaallit Nunaanni Naalagaaffiup Sinniisaanut tunniutereerussiuk atugassaatitat isumaqatigiinniutiginissaanut aggersarneqassaasi.
Isumaqatigiinniarnermi atugassaatitat makkua tikinneqassapput:
- Meeqqanut/mut akilersuutit
- Aapparmut akilersuutit
- Uillarnersiassat
- Inigisamik tigumminniinnarnissaq
Atugassaatitat isumaqatigiissutigigussigik averusernermut akuerineqassaasi. Ulloq averuserfik akuersissummi allaqqassaaq.
Isumaqatigiinngikkussi qinnuteqaatersi itigartinneqassaaq, eqqartuussisulersuussinissarsilu kaammattuugineqassalluni.
Allannguutit
Averusernerup nalaani nooqatigeeqqilerussi imaluunniit inooqatigiiginnarussi averuserneq atorunnaassaaq, aapparinnermilu imaluunniit nalunaarsukkamik inooqatigiinnermi inatsisitigut kingunerisassat atuutilerseqqinneqassallutik.
Averusernersi atorunnaasimappat tamanna kommunimut nalunaarutigissavarsi.
Avikkumalissagussi nammineerlusi qinnuteqassaasi, taamaaliorsinnaavusilu minnerpaamik qaammatini arfinilinni averuseqqareerussi.
Piffissaliussat
Qaqugukkut averuserniarlusi qinnuteqarsinnaanersi ullunik piffissaliussaqanngilaq.
Maalaaruteqarneq
Averusernissamik qinnuteqaatit pillugit Naalagaaffiup Sinniisoqarfiata aalajangigai Social aamma ældreministeriaqarfimmut maalaarutigineqarsinnaavatit.
Aamma atuarsinnaasatit
Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl
Naalagaaffiup Sinniisoqarfia
Indaleeqqap Aqq. 3
Postboks 1030
3900 Nuuk
Oqarasuaat: (+299) 32 10 01
E-mail: ro@gl.stm.dk
Nittartagaq: www.rigsombudsmanden.gl