Nalinginnaasumik paasissutissiineq
Illuliortiternernut aningaasalersuineq pillugu Inatsisartut inatsisaat 2018-imi januaarip ulluisa aallaqqaataanni atulersinneqarpoq.
Inatsisip atulersinneratigut kommune taarsigassarsititsisinnaavoq:
1. Inissianik nutaanik sanaartornermut taarsigassarsineq
2. Inissianik pioreersunik iluarsartuussinermut, pitsanngorsaanernut aamma alliliinernut taarsigassarsititsineq
3. Inissiat soraarnerussutisialinnit pigineqartut iluarsartuunnerinut taarsigassarsititsineq
Una toorlugu atuagassiaq "Illunut sanaqataaffiusunut inatsit" aasinnaavat.
Una toorlugu atuagassiaq "Illuliortitsernernut aningaasalersuineq pillugu inatsit" aasinnaavat.
Qinnuteqarneq
Siuliini taarsigassarsititsinernut tunngatillugu taaneqartut arlaat kissaatigigukku, assersuutigalugu nutaamik illuliortitsinissamut taarsigassarsinissaq, qinnuteqaatit kommunimut nassiutissavat.
Piginnittut nikinnerat
Piginnittut nikippata, illit piginnittutut taarsigassarsiatit tamaasa ataasiaannartumik akilernissaannut pisussaaffeqarputit. Tamannali atuutinngilat:
1. Inissiaq katissimasannut tunigukku (katissimasut akornanni piginnittup nikinnera)
2. Averusernermut atatillugu piginnittut nikippata
3. Avinnermi
4. Kommune allatut aalajangerpat
Taarsigassarsinissamut piumasaqaatit nalinginnaasut
Piumasaqaataasut tulliuttut naammassisinnaanngikkukkit, akilersuinissamut taarsigassarsititsineq atorunnaassaaq. Tamanna ima paasineqassaaq, taarsigassatit sinneruttut tamaasa ataasiartumik akilissagitit.
Akilersuinissamut taarsigassarsiat atorunnaassapput ima pisoqarpat:
1. Illit taarsigassarsisutut inissiaq illersorsinnaasumik aserfallatsaalinngikkukku, tassanilu qularnaveeqqut ajorseriarsimasoq kommunimit uppernarsarsinnaalersimaneqarpat
2. Inissiap ikuallattoornissamut aamma illup ajoqusernissaanut taarsigassarsiaqartutut sillimmasersimanngikkukku
3. Inissiat attartortittarneri pillugit Inatsisartut peqqussutaanni attartortitsinermut aalajangersakkanut malittarisassanut naapertuutinngitsumik inissiaq attartortikkukku, assersuutigalugu attartortitsinermi akileeqquusisarnermit qaffasinnerusumik attartortitsillutit imaluunniit inissiaq suliffeqarfimmut attartortinneqassappat
4. Inissiami inuussutissarsiutinut siunertaqartumik ininnik iluarsiiguit imaluunniit inissiamiit inuussutissarsiummik ingerlataqaruit. Inuussutissarsiornerit mikisut akuerisaapput
5. Illit taarsigassarsiaqartutut inissiami najugaqanngikkuit
Taarsigassarsiat siusinnerusukkut taarsersorneqalernat
Illuliortiternernut aningaasalersuineq pillugu inatsit nutaaq naapertorlugu inissiat sanaartoqqammisat taarsigassarsiarineqarnerisa siusinaartumik taarsersulernissaannut periarfissaqarpoq. Taarsigassarsiavit ullumikkut naleqassuseq naapertorlugu taarsigassarsininnit ukiut tallimat qaangiutikatareersullu taarsersulereersinnaavatit.
Taarsigassarsiat sinneruttut nuna tamakkerlugu aningaaseriviani diskontumit ilassutitut 3 %-imik erniaqartillugit taarsersorneqassapput. Aamma illit inissisimaninnut qanoq sunniuteqassanersoq pillugu Illuliortiternernut aningaasalersuineq pillugu Inatsisartut inatsisaat nr. 39, 23. november 2017-imeersumi oqaaseqaatini takusinnaavat.
Attavissaq
Taarsigassarsinissamut kissaateqaruit sumiiffigisanni kommunimut saaffiginnissaatit.
Aamma atuarsinnaasatit
Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl
Ineqarnermut Attaveqaqatigiinnermullu Naalakkersuisoqarfik
Imaneq 1A - 601
Postboks 909
3900 Nuuk
Oqarasuaat: (+299) 34 50 00
E-mail: box909@nanoq.gl
Nittartagaq: www.naalakkersuisut.gl