Paasissutissat nalinginnaasut
Angalanissaraluamut taarsiivigineqarnissaq tassaavoq angalanissamut billetti utertinneqarsinnaanngitsoq annaasimagaanni qinnutigineqarsinnaasoq.
Una billetti qinnutiginiarnerani ilinniartuussaatit ilinniagaqarnermusiaqartuullutillu.
Una angalanissaraluamut taarsiivigineqarnissaq ilinniarnermi taarsigassarsianngortinneqassaaq, taannalu ilinniarnerit naammassereerukku akilersulersinnaavat.
Qinnuteqarnissamut piumasaqaatit
Angalanissaraluamut taarsiivigineqarniaruit ima inissisimassaatit:
- Billetteq utertinneqarsinnaanngitsoq annaasimassavat
- 18-inik ukioqalereersimanissat, akiitsunut allagartamik atsiortussaagavit (Ilinniarnermi taarsigassarsiat)
- Angalanissaraluamut taarsiivigineqarnissaq angalanissamut ataasiusumut ataasiaannaq pisinnaavoq
Akigititat
Angalanissannut billetti nammineerlutit pisuussutigisannik annaasimagukku billetti taarsiissutaasoq nammineerlutit akilerumaarpat. Assersuutigalugu timmisartoq angallalluunniit ikiffiginissaanut kingusinaarsimaguit.
Billetti nutaaq akiittunngorlugu tunniunneqassaaq.
Aqqut alla atorlugu angalasoqarsimappat, annerpaamik angallassinermut akikinnerpaamut akiusup nalinganut aningaasartuutit matussuserneqassapput. Assersuutigalugu ilinniariaq illoqarfimmit imaluunniit nunaqarfimmit allamit illoqarfimmut allamut angallammik angallanneqassappat benzinamut akileeqataasoqarsinnaavoq, taamaattorli angallanneqarnermut akigititaasartoq minnerpaaq qaangerneqaqqusaanngilaq.
Aningaasartuutinut uppernarsaateqarnissaq eqqaamassavat.
Attaveqaatitigut qinnuteqaatit nassiunniarukku (MitID-eqaruit)
Angalanissaraluamut taarsiivigineqarnissamik qinnuteqarniaruit, qinnuteqaatit qarasaasiakkut nassiussinnaavat nammineerluni sullittarnermi, nittartakkap qulaatungaani ”Akiliunneqarnissamut maana qinnuteqarit”-mik allaqqasumi. Nammineerluni immersuiffissamut aaqqiissutissaq atorniarukku nammineerlutit MitID-risat atorlugu qarasaasiamut isissaatit.
Qinnuteqarnermi ilanngussat ilaasussat:
- Angalanissamut billetsi kopiia
Toortakkap ”Akiliunneqarnissamut maana qinnuteqarit” toorneratigut qarasaasiakkut nammineerlutit immersuiffissamik immersuillutit aallartissaatit
Malugiuk:
Qinnuteqaatigisat qarasaasiaq atorlugu nassiunniaruku MitID atorlugu qarasaasiamut isersinnaaguit aatsaat nassiussinnaavat.
Ornigullutit qinnuteqaatit tunniukkiartorniarukku (MitID-eqanngikkuit)
Angalanissaraluamut taarsiivigineqarnissamut qinnuteqaateqassaguit ilinniagaqarfissat attavigissavat.
Suliamut ingerlatseriaaseq
Ilinniarfivit qinnuteqaatit akuerisaassaguit ilinniarfivit angalatitsivik attavigissavaa nutaamillu billettimik inniminniissullutit.
Ilinniarfivit billetti tigugunikku attavigissavaatsit.
Angalatitsiviup nutaamik billettimik inniminniissunneqarnippit suliarinera aallaavigalugu qaqugukkut tusagaqarnissat apeqqutaajumaarpoq.
Maluginiaruk, ingerlaannaq aallanngikkuit angalanissaraluamut taarsiivigineqarnissamut unnuinissamut aningaasartuutit ilanngunneqarsinnaapput, taakkuttaaq illit nammineerlutit ilinniagaqarnerit naammassigukku akiligassarilissavatit.
Allannguutit
Billetti taarsiutaasoq atortariaqarunnaarukku ilinniarfinnut tamanna pillugu nalunaarnissat pisussaaffigaat, billetti atunngisaq utertinnissaannut akiligassaatitaasumut aamma akiligassinneqartussaatitaasinnaagavit.
Piffissaliussat
Angalanissaraluamut taarsiivigineqarnissamut qinnuteqarnissaq ullormik kingullermik qinnuteqarfissamik killilerneqanngilaq.
Maalaaruteqarneq
Ilinniarfissatut qinnuteqarfivit qinnuteqarninnut suliarinninnera pillugu maalaarnissamik pisussaaffeqarputit.
Maalaaruteqarniaruit maalaarutit aalajangiisoqarneraniit sapaatip akunneri arfinillit qaangiutsinnagit nassiutissavat.
Maalaarutit mailimut uunga nassiutissavat IKIN@nanoq.gl
Maalaarummi ilaassapput:
- Aalajangiussamut naammagittaalliornerit tunngavilersorlugu allassavat
- Uppernarsaatit attuumassuteqartut ilanngutissavatit, soorlu itigartitsinermut allagaq
Aamma atuarsinnaasatit