Paasissutissat nalinginnaasut
Kinaluunniit Kalaallit Nunaanni najugaqartoq attuumassuteqartorluunniit Kalaallit Nunaanni iliveqarfinni ilineqarsinnaavoq.
Toqusup uppeqatigiinnut sorlernut ilaanera pissutsilluunniit allat eqqarsaatiginagit ilivermik nalinginnaasumik innersuussisoqartassaaq. Tamanna imatut paasineqassaaq, qanigisannik toqukkut annaasaqarsimaguit, toqukkut qimagussimasup iliveqarfimmi iliveqartinnissaanut pisinnaatitaaffeqarputit.
Iliveq
Iliveq toqusup ilaqutaanit aserfallatsaalineqassaaq.
Iliveqarfinni ilerrit
Kommunimi innuttaasunut iliveqarfinni ilerrit naammattumik inissaqarnissaat kommunalbestyrelsip isumagissavaa.
Iliveqarfiit ulluinnarni aserfallatsaaliornissaat taakkuninngalu aqutsinissaq
Iliveqarfinnik pilersitsinissaq, aserfallatsaaliuinissaq atorunnaarsitsinissalu taakkununngalu aningaasartuutit akilernissaat kommunalbestyrelsip akisussaaffigaa.
Iliveqarfiit ulluinnarni aserfallatsaaliornissaat taakkuninngalu aqutsinissaq ilagiit sinniisaasa akisussaaffigaat ingerlatissallugulu, taamaallaat imatut paasineqassaaq sanningasunik qalipaaneq iluarsaanerlu, allanillu pinnersaaneq, kisiannili aputaajaaneq suliassalluunniit annertunerusut assigisaat pineqaratik, aserfallatsaaliuinertut, ingerlatsinertut sanaartornertulluunniit isigineqartut.
Ilisinerup kingorna minnerpaamik ukiut 50-it qaangiutereerpata aatsaat iliveq atoqqinneqarsinnaavoq.
Aamma atuarsinnaasatit
Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl
Palaseqarfik
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk
Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl